© All copyright reserved to Nebras 2019

  • Grey YouTube Icon
  • Grey Instagram Icon
  • Grey Twitter Icon
حكم من حكيمين

اسمع حكم واحفظ حِكم من حكيمين
واقولها من باب فود وزهامي
معادله تفهم وتقرا بوجهين
والحكم للي عارفين النظامي
الطيب ماهو للرجال الكريهين
لو دار وقتي ماتغيّر كلامي
الطيب للي لاوعد حقق الدين
رجال يحشم عن وجيه الخمامي
نضرب مثال ونردفه بالبراهين
بعض الرجال نجسها بالسلامي
بالمعترف عند الرجال الكريمين
بعد السلام يطيب فيه الكلامي
لكن لاجاك المسلّم بوجهين
وجهن يبي قربك ووجهن خصامي
هذا من الي لا قسا الوقت بعدين
ما يقربك وتقول وين السلامي
اعرف خويك حزة العسر واللين
واعرف عدوك في نهار الزحامي
وخلك شجيع مايهاب السلاطين
وادخل سيول المعركه وانت حامي
ولاتتبع المقفي ولو جاك بعدين
اثبت ووقف فوق راس السنامي
واخذ النصيحه والحكم من حكيمين
واقطف من خيار البكار الوسامي

 

طلال حمد العازمي

Pocatello, ID