© All copyright reserved to Nebras 2019

  • Grey YouTube Icon
  • Grey Instagram Icon
  • Grey Twitter Icon
الخسارة

خسارة الحب ماتحسب خسارة عمر
لو تخسر الحب ماوقّفت سير الحياه

خسارة العمر والله لاسكـنـت القـبـر
وانته مقصّر مع الله في فروض الصلاه

ما عـاد يـنـفـعـك حب الخلق ولا البشر
ماينفع الا رضـا اللي ما عبدنا سواه

لا من جمعنا الله المعبود يوم الحشر
ماينفع الشخص حتى صاحبه واقرباه

ياصاحبي لا نـويـت تروح دربك خضر
اللي يقفّي ما نيب اهين نفسي وراه

لو كان غـالي وله عندي مـقـام وقـدر
لا راح ما عاد يشفع له في صدري غلاه

حتى لو انّ الـفـؤاد امـن الـفـراق انفطر
والله ما اتـبـعـه لا مـنّـه عـطـاني قـفـاه

الحب يبغى فــؤادٍ صلب مثل الحـجـر
وانا احمد الله فؤادي مثل صم الصفاه

نفسي عزيزه ولو اني ما اطيق الصبر
لكن من يروح ماعشت العمر في رجاه

انـسـاه لاراح والدنـيا دروس وعـبـر
تشرح لي دروسها وانا شديد انتباه

واللي من دروس وقته ما اتّعظ واعتبر
بيّحده الوقت الاقشر لين يبحث خفاه

من عـزّ نفسه وعـلاّ شـانـهـا مـا خسر
معـزّة النفس عـز وربـح واكـبـر غـنـاه

والناس عاشت كذا بين الغنا والفـقـر
احـدٍ نـزل للفقر واحـدٍ رفـع مـستـواه

الادمي لا خـسـرتـه ما خسرت العمر
خسارة العمر والله ترك فرض الصلاه



طلال حمد العازمي

Pocatello, ID